Таңдаулы жаңалықтар:

ШЫМКЕНТТЕ «ЖОМАРТ ЖҮРЕК» ЛАУРЕАТТАРЫ МАРАПАТТАЛДЫ

Шымшаһарда «Рухани жаңғыру» бағдарламасы аясында өткізілген «Жомарт жүрек» сыйлығының иегерлері анықталды. Қала әкімінің бірінші орынбасары Шыңғыс Мұқан салтанатты түрде туған жерін түлетуге ат салысып, мұқтаж жандарға көмек қолын созып, шарапат шуағын шашып жүрген бір топ азаматқа алғыс хаттар мен естелік сыйлықтарды табыстады.

– Бүгінгі басқосуымыз Тәуелсіздігіміздің 30 жылдығы қарсаңында Шымкент қаласының әкімдігі, шымкенттіктер мақтан ететін, мақтанатын азаматтарымызға арналады. Қамқорлық жасау, өзіңде барды өзгемен бөлісу, мұқтаж, көңілі жарым жандарға қол ұшын беру жомарттықтың белгісі және ондай іс тек жомарт жандардың қолынан келері анық. Жақсы іске жанашыр ізгі ниетті, ақ тілеулі ел азаматтары әлеуметтік жағдайы төмен мұқтаж жандардың үнемі жанынан табылып жүретіні ақиқат, – деді Шыңғыс Жұмабекұлы

Айта кетейік, биыл байқаудың аудандық кезеңіне төрт ауданнан 33 азамат ұсынылған. Оның ішінде 20-сы түрлі номинациялардың иегерлері атанды. Ал қалалық кезеңнің қорытынды марапаттау сәтінде 5 азамат
осындай құрметке бөленді.

«Жылдың үздік ұйымы» номинациясы бойынша «БаллТекстиль» ЖШС-нің бас директоры, кәсіпкер Исхахов Талғат Жүнісбекұлы, «Жылдың үздік қамқоршысы» номинациясы бойынша ерікті Асан Жазира Тілеубергенқызы, «Туған өлке» номинациясы бойынша кәсіпкер Әшірбаев Байкен Әшірбайұлы, «Жыл тұлғасы» номинациясы бойынша кәсіпкер Наимбекова Айжан Ізбасханқызы, ал «Жомарт жүрек» сыйлығының «Жыл меценаты» номинациясы бойынша кәсіпкер Төлбасов Серік Қарабекұлы марапатталады.

Пікір қалдыру

Your email address will not be published. Required fields are marked *