Таңдаулы жаңалықтар:

М. Әйтенов: «Шымкент – жұмыс істеуге және демалуға қолайлы заманауи мегаполиске айналады» | Zau.kz

«Nur Otan» партиясы­ның «Өзгерістер жолы: әр азаматқа лайықты өмір!» атты сайлауалды бағдарламасында көрсетілген міндеттерді орындауға Шымкент қаласы бойынша 2021 жылы 292 млрд теңге жұмсау көзделген. Оның ішінде бюджеттен 206,9 млрд теңге, ал жеке инвестор есе­бінен 84,7 млрд теңге тартылады.

Бұл туралы Шымкент қаласының әкімі, «Nur Otan» партиясы Шымкент қалалық филиалының төрағасы Мұрат Әйтенов айтып берді.

«Nur Otan» – нақты істердің партиясы. Оның өңірлік сайлау­алды бағдарламасы мемлеке­ті­міздің ұзақмерзімді стратегиялық бағытының және қарқынды жүр­гізіліп жатқан реформалардың заңды жалғасы. Ол елімізді жаң­ғырту мен барша қазақстандық­тардың өмір сапасын жақсартуға, Шымкентті өмір сүру мен жұмыс істеуге және демалуға қолайлы заманауи мегаполиске айнал­ды­руға бағытталған.

Біз бүгін осынау маңызды бағ­дарламаны орындаудың алғашқы нәтижелерін баяндап шықтық. Келер жылы осы жұмыстар жаңа қарқынмен жалғасатын сөзсіз. Ал­дымызда Тәуелсіздіктің 30 жылдық мерекесі жақындап келеді. Тәуел­сіздік – қазақ халқының басына қонған бағы, барша қазақстан­дықтардың ең қастерлі құндылығы. Өйткені біздің Отанымыз – Қазақ­стан тәуелсіздікке қол жеткізу арқылы ғана өз дамуының жаңа дәуіріне қадам басты.

Дербес дамудың осынау жа­сампаз жолын жалғастырып, ХХІ ғасырдың үшінші онжылдығы алдымызға көлденең тартқан сын-қатерлерді еңсеруде Тұңғыш Пре­зидент – ұлт Көшбасшысы Нұр­сұлтан Назарбаев жетекшілік ете­тін «Nur Otan» партиясы тағы да шешуші рөл атқарып, барша қа­зақстандықтардың күш-жігерін елдік мақсаттың төңірегінде ш­о­ғырландырары талассыз. Күн­шуақ­ты Шымкент қаласының хал­қы бұл іске жан-жақты қолдау көрсетері анық.