Сақтық шаралары жалғасады

Жамбыл облысының Бас мемлекеттік санитариялық дәрігерінің                            2020 жылдың 14 тамыз күнгі «Жамбыл облысы аумағында карантиндік шектеу шараларын кезең-кезеңімен босаңсыту туралы» №32 Қаулысына сәйкес мектепке дейінгі ұйымдар мен түзету кабинеттерінің  жұмыстары штаттық режимде қайта жанданатыны туралы қаулысын басшылыққа ала отырып, Сарысу ауданына қарасты түзету кабинеттері мен бөбекжай-бақшалар және шағын орталықтардан кезекші топтар ашылып, жұмыс жасайтын болады.

— Мектепке дейінгі ұйымдарда балалардың келу санына байланысты (15 баладан артық емес) жас деңгейін сақтай отырып, кезекші топтар ашылады. Түзету кабинеттеріне әр топта 5 баладан артық қабылданбайды;

— Барлық мектепке дейінгі ұйымдарда, түзету кабинеттерінде 2 сағат сайын зарарсыздандыру-тазалық жұмыстары жүргізіліп, кварцтау сақталады;

— Күнделікті тәрбиеленушілер, мүмкіндігі шектеулі балалар топқа және қызметкерлер жұмысқа қабылдау кезінде таңертеңгі сүзгіден (фильтр) міндетті түрде өткізіледі;

— Балабақшаларға келмеген тәрбиеленушілердің орны сақталып, меншік түріне қарамастан мемлекеттік тапсырыстың орналастырылуы жалғастырылады;

І. Баймағанбетов, Сарысу аудан әкімдігі білім бөлімінің басшысы.

Пікір қалдыру

Your email address will not be published. Required fields are marked *