Publisher Theme
I’m a gamer, always have been.

Тараз тұрғыны өртенген көліктен адамдарды құтқарып, ерлігі үшін марапатталды

0 94
Бұл туралы Төтенше жағдайлар қызметі мәлімдеді

Манапбай Заурбек Бақтыбекұлы өртенген көліктен жүргізуші мен жолаушыны құтқарып, батылдығы үшін «Өртте көрсеткен қайсарлығы үшін» медалімен марапатталды.

Оқиға 8 қазанда Тараз қаласындағы Сүлейменов көшесінде болған. Техникалық қызмет көрсету станциясының жанында жол апаты орын алып, BMW-520 автокөлігі отқа оранды. СТО қызметкері Манапбай Заурбек көмекке жүгіріп, адамдарды қауіпсіз жерге шығарды. Кейін Chevrolet Niva жүргізушісіне алғашқы көмек көрсетіп, құтқарушылар мен жедел жәрдем қызметін шақырды.

Тараздық Манапбай Заурбек Бақтыбекұлы өртенген автокөліктен жүргізуші мен жолаушыны құтқарып, өз өмірін қатерге тікті. Батылдығы мен жанқиярлығы үшін ол Қазақстан Республикасы Төтенше жағдайлар министрінің 2025 жылғы 4 наурыздағы бұйрығымен «Өртте көрсеткен қайсарлығы үшін» медалімен марапатталды.

«Заурбек шынайы ерлік көрсетті. Кез келген адам мұндай қадамға бара бермейді – бұл батылдық пен табандылықтың белгісі», – деп атап өтті ТЖД басшысы, полковник Арман Тоқанов.

Ерен ерлігі үшін Манапбай Заурбек Бақтыбекұлы ҚР Төтенше жағдайлар министрлігінің жоғары марапатына ие болды.

ПІКІР ҚАЛДЫРУ

Your email address will not be published.