Ш.Уәлиханов атындағы Жамбыл облыстық әмбебап ғылыми кітапханасында Шерхан Мұртаза атындағы «Руханият және тарихтану» орталығы директорының орынбасары, ҚР Мәдениет саласының үздігі, айтыскер ақын Ахметжан Өзбековпен бірлесе отырып «Қаратаудың қара нары» атты айтыскер ақын Ербол Қамбатыровпен кездесу кеші ұйымдастырылды.
Кездесу өңір тұрғындары арасында айтыс өнерін насихаттау, шаппа-шап сөз өнері жолында жүрген суырып салма ақындардың шығармашылықтарын таныту, жастардың эстетикалық талғамын жоғарлату мақсатында ағымдағы жылы жүзеге асырыла бастаған «Айтыс дәстүрі: өткені, бүгіні мен келешегі» атты акция аясында өтті.
Тиісті лауазымдар
Басқосуда Қазақстан Республикасы Мәдениет саласының үздігі, республика және облыстық айтыстарының жүлдегері, Шерхан Мұртаза атындағы «Руханият және тарихтану» орталығының ғылыми қызметкері, айтыскер ақын Ербол Қамбатыровтың шығаршылық жолы, өмірінің өрнектері сараланды.
Кездесуді Ш.Мұртаза атындағы «Руханият және тарихтану» орталығы директорының орынбасары, ҚР Мәдениет саласының үздігі, айтыскер ақын Ахметжан Өзбеков жүргізді.
Керемет көңіл-күй мен жылы, ықыласты лебіздерге, ән-күйге толы кешке арнайы шақырылған ақынның жары, Қазақстан Жазушылар Одағының мүшесі, ақын-сазгер Үміт Битенова, Халықаралық «Алаш» әдеби сыйлығының лауреаты, жазушы, журналист Көсемәлі Сәттібайұлы, Шерхан Мұртаза атындағы «Руханият және тарихтану» орталығына қарайтын «Керуен сарайы» тарихи нысанының әкімшісі, Қазақстан композиторлары Одағының мүшесі, Жаңабаевтар отбасылық халық ансамблінің жетекшісі Нұржан Жаңабаев, К.Әзірбаев атындағы Жамбыл облыстық филормониясы «Тараз» триосының әншілері, Қазақстанның еңбек сіңірген қайраткері Асылхан Шүңіреков пен «Ерен еңбегі» медалінің иегері Ержан Ыдырысов, «Асқақ рух, Еркін ел» қоғамдық бірлестігінің төрағасы, ҚазВерм комитетінің Жамбыл облысы бойынша төрағасы Берік Қалиев, ақын, әнші, асаба, ауылдық билер алқасының төрағасы Бегалы Сқақов, «AulieataMedia» ЖШС-нің бас директоры, ақпарат саласының майталманы, журналист Оралхан Дәуіт, айтыскер-ақын Алик Бекмұсаев, Өңірлік коммуникациялар қызметі басшысының орынбасары Ринат Нұрақбаев, айтыскер ақын, журналист, облыстық «AQ JOL» газетінің аға тілшісі Есет Досалы, К.Әзірбаев атындағы Жамбыл облыстық филармониясының әншісі Мадина Сағымбекова қатысты.
Кездесуде Ербол Қамбатыров өзі туралы, шығармашылық жолы хақында аз-кем әңгімелесе, қонақтар да жылы, қызықты естеліктерімен бөлісті.
