Мамандар бұл жағдай тек Хектория мұздығына ғана тән емес екенін айтады.
Тиісті лауазымдар
АҚШ-тың Колорадо университеті Боулдер кампусының ғалымдары Антарктида түбегіндегі Хектория мұздығына жүргізген соңғы зерттеулерінің нәтижесін жариялады.
Ғалымдар мұздықтың жай-күйін спутниктік бақылаулар мен арнайы геофизикалық өлшеулер арқылы анықтаған.
Зерттеу қорытындысы бойынша, небәрі екі айдың ішінде Хектория мұздығы 8 километрден астам артқа шегінген. Бұл бұрын-соңды тіркелмеген көрсеткіш болып саналады. Сарапшылардың айтуынша, мұздықтың мұншалықты жылдам еруі мұз қабатының астындағы судың қысымының күрт артуынан туындаған. Нәтижесінде алып мұз массалары бөлініп, мұздық құрылымы тұрақтылығын жоғалтқан.
Мамандар бұл жағдай тек Хектория мұздығына ғана тән емес екенін айтады. Ұқсас процестер Антарктиданың басқа бөліктерінде де басталып жатыр деген болжам бар. Бұл жаһандық экологиялық тепе-теңдікке елеулі әсер етуі мүмкін.
Ғалымдар егер мұздықтардың осындай жылдамдықпен еріп, бөлінуі жалғаса берсе, алдағы онжылдықтарда теңіз деңгейі айтарлықтай көтерілуі ықтимал деп ескертеді. Мұндай өзгеріс ең алдымен жағалаудағы елдерге қауіп төндіріп, ондаған миллион адамның тұрмыс-тіршілігіне, инфрақұрылымына және табиғи экожүйелерге зор зиян тигізуі мүмкін.
