Шавкат Рахмоновтың шаршы алаңға қашан шығатыны белгілі болды

Қазақстандық UFC жауынгері Шавкат Рахмонов жанкүйерлерін қуантатын жаңалықпен бөлісті.

Спортшының айтуынша, ол келесі жекпе-жегін 2026 жылдың қаңтар немесе ақпан айларында өткізуді жоспарлап отыр.

— Қазір аңшылық пен балық аулауға уақыт жоқ, дайындыққа толықтай кірісіп кеттім, — деді Шавкат Рахмонов әлеуметтік желіде тараған видеода.

Еске сала кетсек, Шавкат Рахмонов соңғы рет 2024 жылдың желтоқсанында Иен Гэрримен кездесіп, сенімді түрде жеңіске жеткен еді.