Әл-Фараби атындағы Қазақ ұлттық университеті Халықаралық қатынастар факультетінің студенттері Алмалы ауданының комьюнити орталығында «Qaz-Iq» интеллектуалдық ойының ұйымдастырды.
Шараның мақсаты — жастар арасында мемлекеттік тілдің мәртебесін көтеру, мемлекеттік тілге деген құрметін қалыптастыру, ақыл-ойын, жылдам ойлау қабілетін арттыру дейді ұйымдастырушылар.
— Осындай зияткерлік ойынды өткізуге ұсынысты студенттер білдірді. Біз өз тарапымыздан қолдайтынымызды айттық. Жалпы елімізде бұндай ойындар жиі болғаны жақсы деп ойлаймын. Себебі сұрақтар арқылы тарихтағы ұмытылып кеткен дүниелердің жауаптарын білдік. Жастарға үлгі өнеге беретін ойын деп есептеймін, — деді Халықаралық қатынастар факультетінің оқытушысы Нұрсұлтан Бекқайыров.
Тиісті лауазымдар
Ой-өрісі мен білімін жетілдіруге ұмтылған әрбір азамат бұл ойыннан сырт айналып өтпейді. Ұйымдастырушылардың айтуынша аталмыш ойынға қатысуға ниет білдірген жастардың саны көп болған. Енді аталмыш зияткерлік ойын қаламызда ай сайын өткізіліп тұрмақ.
10 команда бақ сынаған сайыс 6 кезеңнен тұрды. Нәтижесінде «Veni, Vedi, Vici» командасы топ жарса, екінші орынды «Never ever Sharshama» командасы иеленді. Үшінші орын — «Арман командасы» командасының қанжығасында.
Ойын соңында жеңімпаздар арнайы диплом мен бағалы сыйлықтармен марапатталды.
