Ш.Уәлиханов атындағы Жамбыл облыстық әмбебап ғылыми кітапханасының ұйымдастыруымен «Ең үздік ауылдық кітапхана» облыстық байқауы Мерейлі Меркі жерінде жалғасын тапты.
Мыңқазан ауылдық кітапханасында «Бір өңір – бір кітап» тақырыбында қазақтың арда перзенті, халық қаһарманы, Кеңес одағының батыры, жазушы Б.Момышұлы, халық жазушысы, мемлекеттік сыйлықтың иегері, Республикаға еңбегі сіңген қайраткер, көрнекті публицист, қоғам қайраткері Шерхан Мұртазаға арналған кітапхана бульбары ұйымдастырылды.
Мыңқазан ауылдық мәдениет клубында «Ел сыйлаған қаламгерлер» атты әдеби калейдоскоп өтті. Іс шараға кітапхана директоры Эльмира Елеусізқызы мен Меркі аудандық орталықтандырылған кітапханалар жүйесінің директоры Жанат Батырбекқызы қатысып кітапхана оқырмандары ұсынған «Б.Момышұлы ұрпаққа ұран» көрінісін тамашалап, жергілікті қаламгерлердің өлеңдерін оқып, жырдан шашу шашты.
