Ш.Уәлиханов атындағы Жамбыл облыстық әмбебап ғылыми кітапханасының ұйымдастыруымен «Ең үздік ауылдық кітапхана» облыстық байқауы өн бойы аңыз-сырларға толы қасиетті де киелі мекен Байзақ өңіріне табан тіреді.
Байзақ аудандық орталықтандырылған кітапханалар жүйесіне қарасты Көктал ауылдық кітапханасы Қазақстан Жазушылар Одағының мүшесі, қоғам қайраткері, ҚР еңбек сіңірген қызметкері, Халықаралық журналистер конференциясының лауреаты, «Парасат» орденінің иегері, жазушы-журналист Арғынбай Бекбосынның шығармашылығына арналған «Шоқтығы биік ұлы тұлға» еске алу кешін ұйымдастырды.
Іс-шарада жазушының «Фәнилік драма» атты кітабынан рубаяттары оқылып, «Азамат. Жазушы. Қайраткер» тақырыбында виртуалды кітап көрмесі ұсынылды.
