Таңдаулы жаңалықтар:

ШЫМҚАЛАДА ӘЛ-ФАРАБИ АУДАНЫНДА МҮЛІК ИЕЛЕРІ БІРЛЕСТІГІНІҢ САНЫ АРТУДА

Әл-Фараби Ауданында меншік иелеріне кондоминиум нысанын басқарудың жаңа түрі – МИБ (мүлік иелері бірлестігі) және ҚС (қарапайым серіктестік) жайлы түсіндіру жұмыстары күнделікті жүргізілуде. Аудан әкімі Рашид Мыңбаев жауапты мамандармен бірге жаңашылдықты әлі толық түсіне алмай жүрген көпқабатты үйлердің тұрғындарына түсіндірме жұмыстарын жүргізуде. Аулада ұйымдастырылатын жиналыстарда «Бір үй-бір бірлестік- бір шот» қағидаты туралы кеңінен мағлұмат беріліп жатыр.

Ұсынылып отырған үйді басқарудың жаңа формасы бірқатар артықшылыққа ие. Ең басты ерекшелігі – үй тұрғындарының өздері меншік иелері болып, қызмет көрсететін ұйымның ай сайынғы жарналарына кететін қаражатты өздері басқаруға мүмкіндігі бар.

Бүгінде аудан аумағында 123 тұрғын үйде жай серіктестік, 46 көпқабатты тұрғын үйде мүлік иелерінің бірлестігі құрылды.
Айта кетейік, пәтер иелері 2021 жылдың 7 қаңтарына дейін тұрғын үйді басқарудың бір формасын таңдауы тиіс.