Таңдаулы жаңалықтар:

БИЫЛ ҚОРДАЙ АУДАНЫНДА 8000 ГЕКТАР АЛҚАПҚА ДӘНДІК ЖҮГЕРІ СЕБІЛДІ

Биыл Қордай ауданында 8000 гектар алқапқа дәндік жүгері себілді, өткен жылмен салыстырғанда 400 гектарға артық себілген.  Бүгінде аталмыш егіс жұмыстары аяқталып, шаруалар енді  жаз қамына қамданып жатыр.

Бетқайнар ауылдық округінен орын тепкен «Нұр-Ал» жауапкершілігі шектеулі серіктестігі көктемгі егіс дала жұмыстарын жүргізуде көш бастаған шаруашылықтардың бірі. Серіктестік диқандары дәнді дақыл егуді ойдағыдай аяқтап, агроқұрылымдар арасында бірінші болып «дала аруын» себуге кіріскен. Қазіргі таңда мұнда дәндік жүгері 250 гектар жерге себіліп, оның 100 гектарына сүрлемге арналған арнайы жүгері егілген. Осы орайда көктемгі дала жұмыстарын жүргізуге шаруашылық 20 тонна арзандатылған жанар май алғанын да айта кеткен артық болмас.

Шаруашылық инновациялық агротехнологиялардан да кенде емес. Бүгінде «Нұр-Ал» 50 гектар жүгері алқабына тамшылатып суғару технологиясын қолданған. Тиімді тәсілдердің арқасында мол өнімге қол жеткізуге болатынына көз жеткізген шаруашылық өкілдері қажетті мөлшерде органикалық және минералды тыңайтқыштарды қолданып, суару маусымы кезінде «дала аруына» тиісті күтім жасауды жоспарлап отыр.