Таңдаулы жаңалықтар:

Шымкенттік ұстаз Әйгерім Жұмаділова 12 жылдан бері мектепке келген бүлдіршіндерге алғаш рет қолға қалам алуды үйретіп қоймай, шахматтың шебері екенін дәлелдеп келеді.

Қаладағы Т.Рысқұлов атындағы №25 мектеп-гимназиясында бастауыш сыныбының мұғалімі Әйгерім Аралқызы бала тәрбиесіне қатысты жауапкершілігі зор жұмысты мойнына алып қалған және бүгінге дейін талай шәкірттің ой-өрісінің дамуына қосқан еңбегі ерен.

Ол ұстаздар арасында өткен спартакиядада «Үздік шахматшы», бірнеше халықаралық олимпиада жеңімпазы. «Әліппе», «Ана тілі» оқулығы мен оқу-әдістемелік кешендерге сынақ жүргізуге қатысқан. Сонымен бірге Ә.Жұмаділова мектепке «Лессон стади» зерттеу жұмысын енгізген сарапшы-педагог. Осындай еңбектерінің арқасында ҚР БҒМ Республикалық Ғылыми-Практикалық білім мазмұнын сараптау орталығының Алғыс хаттарымен марапатталған.

Жұмаділованың шәкірттері «Алтын ұрпақ», «Кіші Ғылым Академиясы» «Шамшырақ» зияткерлік олимпиадасы және Халықаралық «ПОНИ» секілді байқауларда жеңімпаз болған.

Бүгінде төрт перзент тәрбиелеп отырған Әйгерім Аралқызы ұрпаққа білім нәрін беру үшін әлі де ізденіс үстінде.

–Шәкірттерімнің тұлға боп дамуы үшін әр тақырыпты түсіндіру барысында түрлі тәсілдерді қолданамын. Сабақтың көрнекілігін дамыту жолында үнемі ізденемін, көптеген методикалық қолданбаларды қолданамын. Әр бір оқушы өзімнің балам секілді. Олардың болашағы жолында бар білімім мен тәжірибемді қолдануға тырысамын, — дейді ұстаз.

Ә.Жұмаділова биыл сәуір айында Daryn.online білім беру платформасында математика пәнінен бастауыш сынып мұғалімдерінің олимпиадасында І орынды иемденген болатын.

Пікір қалдыру

Your email address will not be published. Required fields are marked *