Таңдаулы жаңалықтар:

Әлеуметтік медициналық сақтандыру қоры сыбайлас жемқорлыққа қарсы тетіктерді енгізуге мүдделі

15/03/20211min1060

Сыбайлас жемқорлыққа қарсы іс-қимыл агенттігі ҚР Президенті жанындағы Мемлекеттік басқару академиясымен Әлеуметтік медициналық сақтандыру қоры КеАҚ-да сыбайлас жемқорлыққа қарсы комплаенсті ілгерілету бойынша алғашқы оқыту семинарын өткізді.

Семинар жұмысына холдинг басшылығы, сондай-ақ аймақтық филиалдардың өкілдері қатысты.

Айта кету керек, квазимемлекеттік компанияларда сыбайлас жемқорлыққа қарсы комплаенсті енгізу бойынша міндет өткен жылдың соңынан бастап заңнамалық деңгейде енгізілді және корпоративтік адалдық стандарттарының сақталуын бақылауды көздейді.

Іс-шара барысында Агенттіктің парасаттылық департамент директорының орынбасары Нұрсұлтан Бекинов комплаенс-қызметтерді енгізу бойынша институционалдық база заңнамалық түрде құрылғанын, оны дамыту бойынша әдістемелік ұсынымдар әзірленгенін атап өтті.

Осылайша, Нұрсұлтан Бекинов қордағы сыбайлас жемқорлыққа қарсы комплаенс бойынша, оның ішінде кадрлардың біліктілігін тұрақты арттыру бойынша жұмысты күшейтуге шақырды.

Нұрсұлтан Бекинов комплаенс-қызметтердің негізгі басымдықтары сыбайлас жемқорлыққа қарсы мониторинг жүргізу және сыбайлас жемқорлық тәуекелдерін анықтау, мүдделер қақтығысын реттеу, сыбайлас жемқорлыққа қарсы шектеулерді сақтау болуы тиіс екенін атап өтті.

Мемлекеттік басқару академиясының сыбайлас жемқорлыққа қарсы зерттеулер және комплаенс орталығының басшысы Жанар Рысбекова сыбайлас жемқорлыққа қарсы комплаенс жүйесін құру процесінде ISO 37001 «Парақорлықпен күрес менеджменті жүйесі» халықаралық стандартын енгізу әлеуетін атап өтті.

Өз кезегінде Қор Басқарма төрағасының орынбасары Рақымжан Төлебаев қор сыбайлас жемқорлықтың алдын алу, оның ішінде қорда сыбайлас жемқорлыққа қарсы мәдениетті қалыптастыру, сыбайлас жемқорлық құқық бұзушылықтарды жасауға ықпал ететін себептер мен жағдайларды анықтау және жою бойынша бақылау функцияларын енгізу арқылы сыбайлас жемқорлыққа қарсы іс-қимыл бойынша белсенді жұмыс жүргізіп жатқанын атап өтті.

Рахымжан Төлебаев Қордың комплаенс-қызметті одан әрі дамытуға және қызметкерлерді оқытуға мүдделі екенін атап өтті.

Іс-шара соңында кеңеске қатысушылардың туындаған сұрақтарына Агенттік және Академия өкілдері толық жауап берді.